A poem in Scots inspied by a visit to the music shop. 

THE MUSIC SHOP

 

He spills bass riffs

a ower the shop

ane aifter anither

fawin frae his skinny fingers.

 

Een hid by curls

his mooth hings wide

as fingers hunt patterns

an the shop fills wi soons.

 

His mate nods alang,

aw reid Puffa an grin,

as he dreams o stardom

an watches ower like a mither hen.

 

At ilka break

in the drivin soons

he cairries on noddin

richt through the silences

keepin the beat,

huddin the dream alive

til the riffmaister

is richt tae gaun again.